Dec 27, 2023
На 28-та седница, Советот на Општина Дебрца, со 11 (единаесет) гласа “за” го донесе Буџетот на општина Дебрца за 2024 година и Годишните развојни програми на општината за 2024 година.
На изготвувањето на буџетот претходеше транспарентна постапка во која граѓаните, месните заедници, здруженијата на граѓани и други заинтересирани страни можеа да дадат свои предлози во поглед на креирање на буџетот за 2024 година.
Вкупниот буџет на општина Дебрца за 2024 година е проектиран на износ од 173.000.000 денари од кој 72.340.989 денари предвидени средства за реализација на капитални и развојни проекти на општина Дебрца.
Основната цел на буџетот е да ги намали непродуктивните трошоци и да обезбеди простор за реализација на повеќе проекти.
На тој начин ќе се обезбеди простор за мерки и проекти кои што ќе значат зајакнување на социјалната кохезија помеѓу граѓаните и зголемување на квалитетот на живот во општината.
Во буџетот за 2024 година предвидено е реализација на капитални инфраструктурни проекти, проекти од областа на образованието, културата, социјалата, спортот, животната средина, руралниот туризам и други.
Nov 13, 2023
Советот на општина Дебрца денес ја одржа редовната 26-та седница.
Советот ја констатира оставката на претседателот Илчо Алексоски, кој од лични причини поднесе оставка на функцијата претседател на советот на општина Дебрца.
За нов претседател на советот со 6 гласа “за” и 5 гласа “воздржан” избран е Никола Короскоски, советник од советничката група на ВМРО ДПМНЕ.
Советот на денешната седница ги усвои измените и дополнувањата на Буџетот на општината за 2023 година, кварталниот извештај за остварувањето на Буџетот на општината за периодот од 01.01.- 30.09.2023 година, како и 12 годишни програми за 2024 година од негова надлежност.
Nov 6, 2023
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 26-та седница на Советот на општината Дебрца Ја свикувам 26–та седница на Советот на општината Дебрца.
Седницата ќе се одржи на ден 13.11.2023 година (понеделник) , со почеток во 13.00 часот, салата за седници на Советот на општината Дебрца.
За седницата се предлага следниот:
Д Н Е В Е Н Р Е Д
- Констатирање оставка на Претседателот на Советот на општина Дебрца
- Избор на претседател на Советот на општина Дебрца
- Предлог – Измени и дополнувања на Буџетот на ЕЛС Дебрца за 2023 година
- Предлог – Одлука за усвојување на извештајот за остварување на Буџетот на општината Дебрца за периодот од 01.01.2023 до 30.09.2023 година
- Предлог – Годишна Програма за организирање на јавни работи и работно ангажирање на невработени лица во општина Дебрца за 2024
- Предлог – Годишна Програма за развој на културата во општина Дебрца за 2024 година
- Предлог – Годишна Програма за развој на обраованието во општина Дебрца за 2024 година
- Предлог – Годишна Програма за активностите на општина Дебрца во областа на социјалната и здравствената заштита во 2024 година
- Предлог – Годишна Програма за развој на спортот во општина Дебрца за 2024 година
- Предлог – Годишна Програма за реконструкција, модернизација, користење и одржување на јавното осветлување во општина Дебрца за 2024 година
- Предлог – Годишна Програма за поддршка на локалниот економски развој на општина Дебрца за 2024 година
- Предлог – Програма за одржување на јавната чистота на подрачјето на општина Дебрца за 2024 година
- Предлог – Програма за контрола на популацијата на бездомни кучиња на територијата на општина Дебрца во 2024 година
- Предлог – Годишна Програма за зимско одржување на општинските патишта и улици во општина Дебрца во зимската сезона 2023/2024 година
- Предлог – Годишна Програма за активностите на општина Дебрца во областа на односите со јавноста, комуникациите и меѓународната соработка во 2024 година
- Предлог – Програма за одбележување годишнини на значајни настани и личности во општина Дебрца во 2024 година
Советнички прашања
СОВЕТ НА ОПШТИНА ДЕБРЦА
Претседател,
Илчо Алексоски
Oct 28, 2023
Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:
Р Е Ш Е Н И Е
за свикување на 25-та седница на Советот на општината Дебрца
Ја свикувам 25–та седница на Советот на општината Дебрца.Седницата ќе се одржи на ден 31.10.2023 година (вторник, со почеток во 13.00 часот, салата за седници на Советот на општината Дебрца).
За седницата се предлага следниот:
Д Н Е В Е Н Р Е Д
- Усвојување на записник од 24-та седница на Советот на општина Дебрца
- Предлог – Мислење по Програмата за реализација на тридневна научна ескурзија – IX одделение ОУ „Дебрца“ Белчишта во учебната 2023/2024 година
- Предлог – Мислење по Програмата за дводневна научна ескурзија – „VI одделение ОУ „Дебрца“ с.Белчишта за учебната 2023/2024 година
- Предлог – Мислење по Програмата за реализација на еднодневна ескурзија за учениците од III одделение ООУ „Дебрца“ с.Белчишта во учебната 2023/2024 година
- Предлог – Мислење по Програмата за реализација на есенски и пролетен излет на учениците од I до IX одделение ОУ „Дебрца“ Белчишта во учебната 2023/2024 година
- Предлог – Мислење по Програмата за настава во природа за учениците од V одделение ОУ „Дебрца“ с.Белчишта во учебната 2023/2024 година
Советнички прашања
СОВЕТ НА ОПШТИНА ДЕБРЦА
Претседател,
Илчо Алексоски
Macedonian
Albanian
Dutch
English
French
German
Greek
Polish
Serbian
Turkish