ЈАВЕН ПОВИК БРОЈ 01/2026 ЗА ПОДНЕСУВАЊЕ НА ПОНУДИ ЗА ДОДЕЛУВАЊЕ НА ДОЗВОЛИ ЗА ВРШЕЊЕ НА МЕЃУОПШТИНСКИ ЛИНИСКИ ПРЕВОЗ НА ПАТНИЦИ КОЈ ЗАЕДНИЧКИ ГО ОРГАНИЗИРААТ ОПШТИНА ДЕБРЦА И ОПШТИНА ОХРИД

May 21, 2026

Врз основа на член 19 и член 23 од Законот за превоз во патниот сообраќај („Службен весник на РМ“ број 68/2004, 127/2006, 114/2009, 83/2010, 140/2010, 17/2011, 53/2011, 6/2012, 23/2013, 120/2013, 163/2013, 187/2013, 42/2014, 112/2014, 166/2014, 44/2015, 97/2015, 124/2015, 129/2015, 193/2015, 37/2016, 71/2016, 64/2018, 140/2018, 163/2018, 275/2019, 67/2022, 170/2024, 3/2025, 17/2025 и 101/2025), Одлуката за субвенционирање на линискиот превоз на патници („Службен гласник на општина Дебрца“ број 03/26), Одлуката за изменување на одлуката за субвенционирање на линискиот превоз на патници број 08-691/3 од 20.05.2026 година и Спогодбата за заедничко организирање на линиски превоз на патници, број 03-3286/1 од 25.03.2014 година и број 03-1463/3 од 27.03.2014 година, се објавува :

ЈАВЕН ПОВИК БРОЈ 01/2026

ЗА ПОДНЕСУВАЊЕ НА ПОНУДИ ЗА ДОДЕЛУВАЊЕ НА ДОЗВОЛИ ЗА ВРШЕЊЕ НА МЕЃУОПШТИНСКИ ЛИНИСКИ ПРЕВОЗ НА ПАТНИЦИ КОЈ ЗАЕДНИЧКИ ГО ОРГАНИЗИРААТ ОПШТИНА ДЕБРЦА И ОПШТИНА ОХРИД

 1.ПРЕДМЕТ НА ЈАВНИОТ ПОВИК

Предмет на Јавниот повик е доделување на дозволи за вршење на меѓуопштински линиски превоз  на патници, кој заеднички го организираат општина Дебрца и општина Охрид, на линии од градот Охрид до населените места во општина Дебрца и обратно , и тоа :

Возните редови за горенаведените линии се утврдени со Спогодбата за заедничко организирање на линискиот превоз на патници и се дадени во документацијата, која е составен дел на Јавниот повик.

Локациите на автобуските стојалишта се утврдуваат со одлуки на советите на општините и нивното одржување е обврска на општините. Превозниците се должни да се придржуваат кон утврдените локации на автобуски стојалишта.

Овој Јавен повик е согласно и со член 22-б од Законот за превоз во патниот сообраќај кој гласи :

„Бесплатниот превоз на ученици утврден со Законот за основното образование и Законот за средното образование на подрачјата на општините каде што има утврден возен ред се врши од страна на носителите на дозвола за општински линиски превоз, по цени и на начин утврдени од советите на општините и Советот на град Скопје“.

Дозволите за вршење на меѓуопштинскиот линиски превоз на патници се доделуваат за времетраење од 5 (пет) години.

За линиите од реден број „1“ до реден број „3“ за кои се доделуваат дозволите, Општина Дебрца ќе доделува субвенции во висина од 10,00 денари по изминат километар, најмногу за две поаѓања и доаѓања во текот на денот, согласно претходно донесена одлука од страна на Советот на Општина Дебрца.

Општина Охрид ќе субвенционира дел од трошоците за вршење меѓуопштински линиски превоз на патници согласно Одлуката за исплата на субвенции за општински линиски превоз на патници на подрачјето на општина Охрид, како и превозот на патници што заеднички го организираат општина Охрид и општина Дебрца, број 08-5185/25 од 28.04.2026 година („Службен гласник на општина Охрид“ број 04/2026)

Заради обезбедување бесплатен превоз во недела за сите граѓани, сите четири линии ќе бидат субвенционирани од страна на Општина Дебрца во износ од 5.000,00 денари неделно, согласно условите утврдени со одлука на Советот на Општина Дебрца.

Превозниците на кои ќе им се додели дозвола за вршење меѓуопштински линиски превоз на патници, должни се да обезбедат бесплатен годишен превоз на инвалидизирани лица (глуви, слепи, телесни инвалиди), лица со интелектуална попреченост и родители на деца со церебрална парализа, по доставени списоци од соодветните здруженија, потврдени од надлежните подрачни министерства, како и да обезбедат бесплатен превоз во недела на сите граѓани кои патуваат на сите четири линии.

2. ПРАВО НА УЧЕСТВО НА ЈАВНИОТ ПОВИК

Право на учество на Јавниот повик имаат правни лица, под услови утврдени со документацијата за јавниот повик и тоа :

1. Имаат важечка лиценца за вршење на општински линиски превоз на патници и важечки изводи од лиценца за секое возило;
2. Се впишани во Централен регистар на РСМ и имаат регистрирано приоритетна дејност/главна приходна шифра : вршење на превоз на патници и стока во патниот сообраќај;
3. Се сопственици на најмалку две регистрирани возила по линија или да имаат договор за лизинг, за возила со најмалку 20 седишта, кои ги исполнуваат посебно техничко – експлоатациони услови за моторни возила наменети за вршење на општински линиски превоз ;
4. Имаат вработено во редовен работен однос возачи во зависност од бројот на моторните возила, минимум еден возач по возило ;
5. Имаат обезбедено сертификат за професионална компетентност за управителот или за овластеното лице одговорно за превоз во правното лице ;
6. Имаат добар углед ;
7. Во возилата имаат вграден фискален апарат ;
8. Имаат доказ дека против правното лице не се води постапка за стечај и ликвидација.

Заинтересираните правни лица имаат право секоја линија да поднесат поединечни понуди, во посебен плик, со напомена дека предмет на евалуација се понуди, почнувајќи од линија „1“. Во случај да е искористен понудениот капицетет на превозни средства со добивање на „првата линија“, сите понуди за следните линии се сметаат како да не се поднесени.

Јавниот повик се смета за успешен и во случај ако биде доставена најмалку една понуда што ги исполнува сите услови и барања предвидени во документацијата за Јавниот повик.

3.КРИТЕРИУМИ ЗА УТВРДУВАЊЕ НА СПОСОБНОСТА НА ПОНУДУВАЧИТЕ

За да учествуваат во постапката за доделување на дозволи, односно за да може понудите да се оценуваат /евалуираат, понудувачите треба да се квалификувани како способни, за што мора да ги исполнат критериумите за утврдување на нивната способност, кои се поблиску дадени и опишани во документацијата за јавниот повик.

Понудувачите треба да потпишат Изјава дека ги прифаќаат условите од документацијата за јавниот повик и моделот на договор, кој е составен дел на документацијата.

4.ПОТРЕБНА ДОКУМЕНТАЦИЈА

Потребната документација е утврдена во документацијата за јавниот повик за доделување на дозволи за вршење на меѓуопштински линиски превоз на патници, кој заеднички го организираат општина Дебрца и општина Охрид.

5.КРИТЕРИУМИ ЗА ИЗБОР НА НАЈПОВОЛНА ПОНУДА

Доделувањето на дозволите ќе се изврши по пат на евалуација на понуди со поднесување на затворени пријави.

Пријавите се поднесуваат во затворен плик до Комисијата, а се отвараат јавно во присуство на овластени лица на подносителот.

Доставените пријави се бодуваат според следните критериуми :

1. За просечна старост на возилата што превозникот ќе ги користи за меѓуопштинскиот линиски превоз на патници, превозникот може да добие најмногу 30 бода, и тоа :

– до 5 години просечна старост на возилата    -30 бода

– од 6 години до 10 години                                            -20 бода

– повеќе од 10 години                                         -10 бода

2. За број на вработени, превозникот може да добие најмногу 30 бода, и тоа :

– до 5 вработени                                                 –10 бода

– од 6 до 10 вработени                                        -20 бода

–повеќе од 10 вработени                                    -30 бода

3. За исполнување еколошки стандарди на возилата, за пресметан просек, превозникот може да добие најмногу 40 бода, и тоа :

– од Еуро 2 до Еуро 3                                         -10 бода

– од Еуро 3 до Еуро 4                                          -20 бода

– од Еуро 4 до Еуро 5                                          -30 бода

– над Еуро 5                                                         -40 бода

Во случај на ист број бодови, предност има превозникот кој има прв поднесено понуда во архивата на општина Дебрца.

6.НАЧИН И АДРЕСА НА ПОДИГНУВАЊЕ НА ДОКУМЕНТАЦИЈА ЗА ЈАВЕН ПОВИК

Документацијата за јавниот повик ќе биде објавена на www.debrca.gov.mk а истата може да се подигне секој работен ден од 7.30 до 15.30 часот, во архивата на Општина Дебрца, со седиште во село Белчишта, најдоцна еден ден пред рокот утврден во точка 7.

7. РОК, АДРЕСА И НАЧИН НА ИЗГОТВУВАЊЕ И ДОСТАВУВАЊЕ НА ПОНУДИТЕ

Краен рок на поднесување на понудите е 05.06.2026 година до 12.00 часот по локално време.

Понудите се доставуваат преку пошта или директно во архивата на Општина Дебрца, 6344 село Белчишта.

Понудувачот го поднесува оригиналниот примерок на Пријавата (прилог 1) во запечатен внатрешен плик, кој го содржи називот на понудувачот со целосна и точна адреса, со назнака „Пријава за јавен повик“ во горниот лев агол.

Документите за утврдување на способност на понудувачите се поднесуваат во посебен запечатен внатрешен плик кој го содржи називот  на понудувачот со целосна и точна адреса, со назнака „Документи за утврдување на способноста“ во горниот лев агол.

Внатрешните пликови се приложуваат во запечатен надворешен плик кој :

• Е адресиран со целосна и точна адреса на Општина Дебрца ;
• Го содржи бројот на Јавниот повик и
• Во горниот лев агол стои ознака „не отварај“.

Доколку сите пликови не се запечатени и обележани како што е погоре утврдено, Општина Дебрца не презема одговорност за губење или предвремено отварање на понудата.

8.ЈАЗИК НА ПОНУДАТА

Понудата се изготвува и доставува на македноски јазик.

9.ЈАВНО ОТВОРАЊЕ НА ПОНУДИТЕ

Јавното отворање на понудите ќе се изврши на ден 05.06.2026 година во 12.05 часот , по локално време, во просториите на општина Дебрца, административна зграда на општина Дебрца, 6344 село Белчишта.

Предмет на разгледување се понудите кои се пристигнати до денот и часот утврден во точка 7. Понуди пристигнати по датумот и часот утврден во точка 7 ќе се сметаат како ненавремени и нема да бидат предмет на разгледување.

Секој што сака да присуствува на отворање на понудите, своето право на присуство го регулира со поднесена писмена најава најдоцна 1 (еден) ден пред денот на јавното отворање.

10.СПРОВЕДУВАЊЕ НА ПОСТАПКАТА ПО ЈАВНИОТ ПОВИК

Постапката по Јавниот повик ќе ја спроведе Комисија формирана од градоначалникот на општина Дебрца и градоначалникот на општина Охрид.

ПРИЛОГ:

Возни редови 2026 (1)

Документација по Јавен повик

Комисија за спроведување на постапката

Даниел Паункоски – Општина Дебрца, претседател

Билјана Суклоска Милошеска – Општина Дебрца, член

Климент Талевски – Општина Дебрца, член