Одржана работна средба на тема „Регионот Охридско Езеро – безбедна дестинација за авантуристички туризам”

Jul 9, 2019

Денес во кабинетот на градоначалникот на општина Охрид, се одржа работна средба на која присуствуваа градоначалниците на општините Охрид, Струга, Вевчани, Дебрца Коста Георгиески, Рамиз Мерко, Сашо Јанкоски и Зоран Ногачески со преставници и надворешни експерти од Црвениот крст на тема „Регионот Охридско Езеро – безбедна дестинација за авантуристички туризам”

Целта на состанокот беше да се информираат локалните самоуправи за активностите кои ги планираат планинските спсителните служби во рамките на Црвениот крст во подобрување на безбедноста на авантуристичкот туризам, по што и градоначалницте изразија полна поддршка за идна соработка и помош од страна на локалните самоуправи.

Отворено јубилејното 35- то издание на Интернацоналната Ликовна колонија Дебрца 2019

Jul 1, 2019

Синоќа во салата на ОУ Дебрца, беше свечено отворено јубилејното 35- то издание на Интернацоналната Ликовна колонија Дебрца 2019. Честа да ја отвори колонијата му припадна на градоначалникот Зоран Ногачески.

Вечерва имав чест да ја прогласам за отворена Интернационалната Ликовна колонија “Дебрца” – Белчишта, нејзиното јубилејно 35 то издание. Поздравувајќи ги учесниците на Ликовната колонија и присутните гости истакнав дека 35 –те години творештво на колонијата покажуваат дека Ликовната колонија “Дебрца” не е обичен културен настан, туку највисок културен дострел на Белчишта , како седиште на општината и на општина Дебрца. Пред 35 години основоположниците на колонијата можеби и самите не биле свесни дека создале културна рожба , која денес е блескаво културно наследство и уметничките дела создадени на Ликовната колонија не се само наследство на Дебрца и Македонија, туку се светско културно наследство.
Минатата година констатиравме дека последниве години навистина се забележува една малаксаност на колонијата, но и ветивме дека веќе од наредната година ќе внесеме нова сила и енергија, ќе вбризгаме нов адреналин и ќе го вратиме стариот сјај на Ликовната колонија. Со денешното отворање на Ликовната колонија тоа и го исполнуваме.
На крајот, на сите годинешни учесници им посакав инспирација за создавање на нови уметнички дела, а тоа во Дебрца го имаат во изобилство, синергијата од слободарскиот дух, природните богатства и културното наследство се непресушен извор на творечка инспирација.
Создавајте дела, водејќи се од максимата: Ars longa, vita brevis или уметноста е долга – животот е краток. – изјави градоначалникот Ногачески по отворањето на манифестацијата. 

Оваа година по повод јубилејот, Управниот одбор додели плакети и признанија за посебен придонес и афирмација на Интернационалната Ликовна Колонија Дебрца,

Ова се добитниците

Постхумни плакети добија:

Златни плакети за посебен придонес и афирмација им беа доделени и на:

На сите добитници во името на Општина Дебрца им ги честитаме наградите.

Градоначалникот Ногачески учесник на две работилници во Струга

Jun 11, 2019

Денес градоначалникот Зоран Ногачески присуствуваше на два настани во Струга.

Наработилницата за фондовите и програмите на ЕУ, Г-дин Никола Бертолини, Раководител на секторот за соработка во Делегацијата на ЕУ ги презентираше можностите за нивно искористување на локално ниво.

На регионална конференција „Партнерства за забрзана децентрализација, инклузивен и одржлив раст“ која се организира во рамки на проектот „Унапредување на општинското владеење“ финансиран од страна на Европската унија, а спроведуван од страна на Програмата за развој на Обединетите нации (УНДП) во партнерство со Министерството за локална самоуправа и Министерството за финансии низ отворен дијалог се разговараше за релевантни прашања поврзани со процесот на децентрализација вклучувајќи го финансирањето на единиците на локалната самоуправа, испораката на локалните услуги и улогата на урбаните и месните заедници, како и можностите за поддршка на општините од страна на Европската унија, УНДП и од други извори.
Меѓу другото, на оваа конференција УНДП го презентира и новиот Фонд за техничка документација наменет за општините.

Дебрца За Ретки болести на Охрид Трчат

Jun 2, 2019

Општина Дебрца континуирано дава поддршка на настаните кои се организираат за лицата со ретки болести.
Денес со ученици од ОУ Дебрца бевме дел од тим билдингот ЛИЦА СО РЕТКИ БОЛЕСТИ на Охрид трчаТ 2019, и со тоа се приклучуваме и ја поддржуваме нивната борба за видливост пред системот, навремена, точна и бесплатна дијагноза, како и пристапност и достапност на лековите.
И секогаш имајте на ум, реткоста е предност, а не недостаток.