Feb 19, 2020
Денес градоначалникот Зоран Ногачески оствари средба со претставниците на Координативното тело, кое беше носител на еколошката “револуција” во Дебрца, односно на активностите аргументирано да се докаже дека Дебрца и сливот на Охридското Езеро не се место за изградба на регионална депонија.
На средбата гостите ги информираше за тековните и идните проекти, особено во делот на екологијата.
Граѓанските предлози, сугестии и забелешки секогаш се добредојдени.
Feb 18, 2020
Денес учениците од ООУ “Св.Климент Охридски” од Охрид, остварија посета на општина Дебрца. За време на посетата, учениците заедно со своите наставнички имаа средба со градоначалникот Зоран Ногачески. Оваа посета е дел од училишните активости и има за цел запознавање на учениците со работата на Локалната самоуправа во руралните општини.
Учениците посетата ја искористија да му постават одредени прашања на градоначалникот поврзани со историјата и развојот на општина, работењето на општината, администрацијата и инвестициите во општина Дебрца.
Градоначалникот Ногачески им даваше одговори , појаснувше и образложуваше за се што се интересираа на начин разбирлив за нивната возраст.
Учениците исто така имаа можност да ја посетат и ликовната колонија “Дебрца” која вооедно е и најстара колонија во Македонија,
Пред извесен период во посета на општината беа дел од учениците од основното училиште од Дебрца, а вакви средби со градоначалникот и запознавање на општината ќе продолжат и во иднина, со цел на најмладите одблиску да им се долови значењето и функционирањето на општините.
Feb 12, 2020
Денес на граничниот премин кај Свети Наум се одржа свечен настан, на кој и официјално беше означен почетокот на проектот „Нови Можности за Безбеден Зимски Авантуристички Туризам“, поддржан од Европската Унија, преку ИПА Програмата за прекугранична соработка, Македонија – Албанија. Проектот ќе се имплементира во наредните три години, а партнери се: ОО Црвен Крст Охрид, Алпинистичкото друштво “Патагонија” Охрид и општина Дебрца, од македонска страна и општина Грамш, од албанска страна.
Градоначалникот Ногачески поздравувајќи ги присутните изрази благодарност што и општина Дебрца е партнер во овој проект,при што посебно потенцираше дека :
Општина Дебрца, со своето природно и културно наследство, кое е и светско природно и културно наследство, заштитено од УНЕСКО, Дебрца со своите планински масиви, како Славеј Планина, Караорман, Стогово, Мазатар и Илинска Планина е природно предодредена за развој на зимскиот и планинскиот туризам.
И токму затоа, овој Проект е во директна корелација со нашата визија Дебрца да прерасне во високорангирана природна и културна туристичка дестинација.
Проектот за Дебрца овозможува нова понуда во алтернативниот туризам, зголемена безбедност на посетителите, пристапни патеки од сите населени места, во близина на сртот на Илинска Планина и опрема за спасување во зимски услови.
Со овој проект, во општина Дебрца предвидена е реконструкција и пренамена на старата училишна зграда во с. Брежани во модерен планинарски дом, реконструкција на пропустите на патот од село Брежани до Илинска црква, набавка на опрема и специјално теренско возило за спасување во зимски услови, како и обуки за прва помош во зимски услови, за локалното население.
Ова е втор проект кој општина Дебрца го спроведува во рамките на прекуграничната соработка, во насока на подобрување на алтернативниот туризам во општината. Другиот проект е во рамките на прекуграничната соработка со Грција и истиот го тангира оригинерниот природен ресурс, “Белчишкото Блато.”
И затоа, во оваа прилика изразувам голема благодарност и до Делегацијата на ЕУ во Скопје, за нивната поддршка на овие за нас значајни проекти, како и благодарност до Министерството за локална самоуправа, кое со 15 % контрибуција ги помага проектите.
Овие проекти се значајни и за стекнување на потребните знаења и искуства и на општинската администрација, како во фазата на аплицирањето, исто така и во фазата на имплементацијата на проектите.
Овде би сакал да изразам посебна благодарност и до Г-динот Бертолини, кој организираше неколку сесии за обука на администрацијата, како да се подготви и аплицира еден добар проект.
Се надевам и не се сомневам дека во текот на имплементацијата на Проектот ќе имаме добра соработка со сите партнери, и од македонската и од албанската страна.
Впрочем, со нашиот партнер, ОО Црвен Крст Охрид и Планинската Спасителна Служба имаме потпишано и меморандум за соработка.
А, со нашиот партнер од Албанија, општината Грамш се надевам дека ова ќе биде почеток на една заедничка долготрајна и успешна соработка. – кажа во своето обраќање градоначалникот на општина Дебрца, Зоран Ногачески
Feb 11, 2020
Утре (12/02/20 г) на граничниот премин „Свети Наум“ официјално ќе биде означен почетокот на проектот „Нови Можности за Безбеден Зимски Авантуристички Туризам“, поддржан од Европската Унија, преку програмата за прекугранична соработка со Р. Албанија.
На настанот предвидено е свое обраќање ќе имаат Г-дин Сашо Точков, Претседателот на Црвен крст Охрид, Г-дин Горан Милевски, Министер за Локална самоуправа на Р. C. Македонија, Г-дин Никола Бертолини, Раководител на одделот за соработка во ЕУД во Р. C. Македонија, Г-дин Гент Чакај, в.д. Министер за Европа и надворешни прашања на Р.Албанија, Г-дин Зоран Ногачески, градоначалник на општина Дебрца, Р. С. Македонија, Г-дин Клодиан Таче, градоначалник на општина Грамш, Р. Албанија и Г-дин Гоко Танасоски директорот на Царинската управа на Р.С. Македонија.
Во рамките на настанот ќе биде потпишан на меморандум за соработка помеѓу Планинската Спасителна Служба и НАЦИОНАЛЕН КООРДИНАТИВЕН ЦЕНТАР за Гранично Управување.
Со овој проект, во општина Дебрца како еден од директните партнери во проектот, предвидено е реконструкција и пренамена на старата училишна зграда во с. Брежани во модерен планинарски дом, реконструкцја пропустите и патот од Брежани до Илинска црква, набавка на опрема и специјално теренско возило за спасување во зимски услови. Исто така предвидени се и обуки за прва помош во зимски услови,
Ова е втор проект кој општина Дебрца го спроведува во рамките на пограничната соработка во насока на подобрување на алтернативниот туризам во општината.
Feb 10, 2020
Денес градоначалникот Зоран Ногачески оствари работна средба со Министерот за земјоделство, шумарство и водостопанство, Трајан Димковски и Директорот на Агенцијата за финансиска поддршка на земјоделството и руралниот развој, Николче Бабовски.
Градоначалникот гостите ги запознав со проектите кои општината ги реализира преку програмата за рурален развој.
На средбата се разговараше и за состојбите и проблемите кои ги имаат земјоделците во општината.
Од страна на Директорот на АФПЗРР беше информиран дека денес е објавен повикот за мерката “Млад земјоделец”, со која државата доделува неповратна финансиска поддршка од 20.000 евра.
Feb 9, 2020
Утре 10.02.2020 год. во 11:00 часот во официјална посета на општина Дебрца доаѓа министерот за Земјоделство шумарство и водостопанство г-дин Трајан Димковски. Во рамките на посетата предвидена е средба на министерот Димковски со градоначалникот на општина Дебрца Зоран Ногачески.
Macedonian
Albanian
Dutch
English
French
German
Greek
Polish
Serbian
Turkish