Конкурс за доделување стипендии на одлични ученици од општина Дебрца запишани во јавните и приватните средни училишта во Р. С.Македонија за учебната 2019/2020
Потребните документи можете да ги спуштите на следниот ЛИНК
Завршува чистењето на дивата депонија кај Царо Поле
Завршуваме со чистење на најголемата депонија во општина Дебрца, просторот во м.в.”Царo Поле”, помеѓу патниот правец село Ново Село – село Белчишта и течението на реката Сатеска, кај село Ново Село. Простор на околу 8 хектари, со години деградиран со најразличен вид на отпад ( комунален, инертен и градежен шут ).
До сите граѓани апелирам да се воздржат од активности со кои ќе продолжи загадувањето на овој и сите други простори кои ќе бидат исчистени во наредниот период.
Ќе воведеме засилен инспекциски надзор и крајно против сите прекршители ќе преземеме со закон пропишани санкции.
Дебрца мора да остане чиста и незагадена, со заштитено природно наследство.
ОУ Дебрца доби донација од 150 м3 дрво за огрев
Врз основа на договорот кој општина Дебрца го склучи со Јавното претпријатие за државни патишта на општината и се отстапени на располагање околу 300 метри кубни огревно дрво, кое се наоѓа покрај делницата на Автопатот А2 во изградба.
Општината има обврска да изврши сечење, дотур и транспорт на донираното огревно дрво.
Со работна сила од Јавното комунално претпријатие и ангажирани работници согласно годишната програма за јавни работи досега се обработени околу 150 метри кубни и огревното дрво е транспортирано за потребите на Основното училиште.
Со донираното огревно дрво се обезбедуваат количини за греење на Основното училиште за најмалку две учебни години, со што се заштедуваат околу 600.000 денари.
Заштедените средства со Буџетот на општина Дебрца за 2020 година ќе се пренаменат за инсталирање на централно греење во зградата на училиштето во село Оровник.
Тековна реализација на реализирани градежни зафати
Во изминатиот период градежната механизација на општината и јавното комунално претпријатие секојдневно е на терен и во оваа прилика ќе потенцирам повеќе, од интерес на граѓаните, завршени активности :
– во село Белчишта, чистење на одводен канал во место викано “Чунејнца”, во должина од околу 400 метри, чистење на речното корито на Голема Река, на делниците: Манастир “Св.Атанасије” – Д.Средорече ( околу 400 метри ) и Манастир “Св.Атанасије”-селска воденица ( 500 метри ), пробивање на пристапен пат и чистење на простор кај Црква “Св.Јован” ( во изградба );
– во село Оровник, чистење и уредување на речно корито, кај новоуредениот простор во селото;
– во село Оздолени, ископ и затрпување на канал за поставување на црево за водоснабдување;
– во село Мешеишта,чистење на дива депонија во “Копрнички Дол” ;
– во село Климештани, чистење на простор кај црква “Св.Климент Охридски”;
– -во село Сливово, чистење на простор во дворно место на црква Св.”Варвара”;
– во село Црвена Вода, чистење и уредување на простор во центар на селото;
– во село Горенци, ископ и затрпување на канал за поставување на црево за водоснабдување на црква “Св.Атанасије” ( околу 350 метри );
– во село Лешани,чистење на дива депонија;
– во село Злести,чистење на дива депонија.
Финансиски извештај
Градоначалникот Ногачески во официјална посета на општина Грамш-Албанија
Денес во градот Gramsh, регион Елбасан, Албанија, а кој брои околу 9000 жители и е центар на општината Gramsh, со околу 36.000 жители градоначалникот Зоран Ногачески оствари средба со Градоначалникот Klodian Tace.
Средбата беше по повод започнувањето со реализација на проектот „Нови можности за безбедни зимски авантури“,кој во рамките на Програмата на ЕУ за прекугранична соработка меѓу Македонија и Албанија ќе се финансира со европски пари.
Носител на проектот е Црвениот Крст на Македонија, Општинска организација Охрид, а партнери се општина Дебрца и Алпинистичкиот клуб “Патагонија”,Охрид од македонска страна и општина Грамш, од албанска страна.
Проектните активности носат бенефит за сите партнери, а во Дебрца во рамките на проектот ќе се изврши реконструкција на старата училишна зграда во село Брежани и нејзина адаптација во Планинарски Дом, опремен со 25 легла, за што се планирани 85.000 евра, поставување на пропусти за зафаќање на атмосферските води на патот село Брежани-Илинска Планина, набавка на возило, со потребната опрема за спасување во планина, обуки и други активности.
На средбата со мојот домаќин посебно го искажав моето задоволство што ќе можеме да соработуваме како две општини, кои имаат одлични предуслови за развој на планинскиот, зимскиот и авантуристичкиот туризам. – изјави Ногачески по средбат Изразив надеж дека денешната средба е почеток на успешна соработка меѓу двете општини, не само на имплементацијата на конкретниот проект, туку и на други идни проекти од заеднички интерес.- изјави Ногачески по средбата
Macedonian
Albanian
Dutch
English
French
German
Greek
Polish
Serbian
Turkish