Dec 10, 2018
Денес во работна посета, општина Дебрца ќе ја посети министерот за локална самоуправа Сухејл Фазлиу, кој ќе оствари работни средби со градоначалнкот Зоран Ногачески, при што ќе стане збор за развојните можности и приоритети на локална самоуправа во контекст на процесите на децентрализација и регионален развој. Учество во разговорите ќе земат и директорот на Бирото за регионален развој, Рамиз Реџепи, претседателот на Советот за развој на Југозападниот плански регион, Рамиз Мерко и раководителот на Центарот за развој на Југозападниот плански регион, Мирјана Лозаноска.
Во рамките на посетата на Дебрца, министерот за локална самоуправа, Фазлиу и директорот на Бирото за регионален развој, Реџепи, ќе извршат увид на изведените работи на објектите и другата изведена инфраструктура во рамките на регионалните проекти имплементирани од страна на Центарот за развој на ЈУГОЗАПАДНИОТ плански регион, во партнерски однос со Општина Дебрца.
Во Волино, во рамките на проектот Изведба на енергетско-ефикасни објекти, целосно е реконструиран објектот на заедницата за потребите на локалното население.
За реконструкцијата во Волино, инвестирани се 2,5 милиони денари, средства што се обезбедени од Буџетот на РМ, преку Програмите за регионален развој. Центарот за развој на ЈУГОЗАПАДНИОТ плански регион е единствен од мрежата на осумте вакви институции во државата кои успеа навремено да ги реализира предвидените активности во рамките на три регионални проекти чија вкупна вредност е околу 26 милиони денари. Покрај изведба на енергетско-ефикасни објекти и патна инфраструктура, дел на средства беа издвоени и за подготовка на техничка документација за потребите на 9-те општини што влегуваат во состав на ЈУГОЗАПАДНИОТ плански регион.
Dec 6, 2018
Почитувани граѓани,
Во информираме за отпочнувањето со работа на дисперзираната канцеларија на општина Дебрца во с. Мешеишта. Канцеларијата е лоцирана во склоп на поранешната заграда на општина Мешеишта, со работно време од 8:30 – 16:30 часот.
Отворањето на дисперзираната канцеларија има за цел да го олесни животот на граѓаните и нивниот пристап до информациите кои што им се потребни. Заштедата на средства неопходни за патување до седиштето на општината и заштедата на драгоцено време се само дел од придобивките што оваа канцеларија им ги носи на жителите од долниот дел на општина Дебрца.
Претходно, општинската зграда беше инфраструктурно уредена, за што од општинскиот буџет беа извоени 300.000,оо (тристаилјади денари).
Исто така со свои простории во општинската зграда во с.Мешеишта функционираат и дисперзирани канцеларии на Агенцијата за финансиска подршка и рурален развој во земјоделството како и Минстерството за труд и социјална политика.
Dec 3, 2018
Денес градоначалникот Ногачески беше гостин на Здружението на лицата со инвалидитет за општините Охрид и Дебрца “Мобилност” и Сојузот за спорт и рекреација на инвалидите Охрид, а по повод одбележувањето на 3 Декември-Светскиот ден на лицата со посебни потреби.
Во мо обраќање истакнав дека не само денес, туку секој ден треба да им го посветуваме на овие лица и да обезбедиме нивна целосна инклузија во општеството. Меѓу нив има личности со извонредни интелектуални, уметнички, креативни, спортски и други натпросечни способности и затоа на нив сосема заслужено им прилега името – лица со посебни способности.
Како општина и во изминатиот период и во иднина ќе преземаме повеќе мерки за подобрување на нивната општествена положба ( финансиска поддршка на програмските активности на нивните здруженија, олеснет пристап до јавните институции, поддршка за еднодневни излети и други активности на кои сме обврзани и со меѓународните документи и со националното законодавство).
Традиционално и оваа година Денот се одбележа со спортските игри, а мене ми припадна честа и особеното задоволство да ги поделам наградите на најдобрите учесници на игрите.
Dec 3, 2018
Поради одлуката на општина Охрид превозот на учениците до средните училишта во Охрид да се врши со редовниот општински линиски превоз, почнувајќи од 01 Септември беше укината посебната линија Охрид-Мешеишта-Волино-Охрид, со поаѓање од Охрид во 19.30 часот.
Согледувајќи дека тоа создаде голем проблем за нашите ученици, кои беа приморани да чекаат речиси по два часа за превоз, а постапувајќи по оправданите барања на засегнатите ученици и родители , како општина Дебрца се заложивме да го решиме проблемот и постигнавме договор со превозниците Пупе Компани и Омега Експрес линијата повторно да се оддржува.
Линијата повторно се активира од денес, 03.12.2018 година, во 19.30 часот и ќе се оддржува од понеделник – петок, во текот на траењето на учебната година.
Воедно, Ве потсетувам дека конкурсот за доделување на средношколски стипендии е во тек и трае до 14.12.2018 година.
Dec 1, 2018
Градоначалникот Ногачески имаше можност да оствари неколкучасовна посета на фирмата Hess Gmbh-Vulkan, која се наоѓа во селото Schwenningen, 23 км од Хановер и да се сретнесо Извршниот директор, Г-динот Ралф Лидке, Ralf Liedke.
Вулкан е фирма со стогодишна традиција ( основана во 1898 година ) и е еден од најстарите брендови во индустријата за осветлување .
Вулкан нуди на градови, општини и снабдувачи со енергија технички софистицирани производи кои обезбедуваат осветлување на патиштата,улици, опасните точки, пешачките зони и јавните објекти во согласност со стандардите.
Вулканските светилки се дизајнирани за висока техничка функционалност и максимална енергетска ефикасност, со употреба на високософистицирана LED технологија и високо ниво на експертиза во областа на техничката имплементација.
- Компанијата е дел од компаниите NORDEON GROUP, со седиште во Ајндховен, Холандија, кои нудат производи за осветлување со ултра ефикасна LED технологија и произведени по највисоки стандарди за квалитет – “Made in Europe”.
Она што посебно за нас е значајно е тоа што од месец Февруари 2019 година фирмата дел од производниот процес ќе го пренесе и ќе започне да работи во производни погони во Охрид и Струга, со тенденција во блиска иднина целото производство да го пренесе во Македонија, а зошто да не и во Дебрца.
Извршниот директор, Г-динот Ралф Лидке го запознав со можностите за инвестирање во Дебрца (урбанизираните локации за отворање на производен погон, ослободувањето од комунални и други давачки и др.) и поканив да ја посети нашата општина, а кое со задоволство го прифати.
Nov 30, 2018
Почитувани граѓани,
На 28 и 29 ноември остварив дводневна работна посета на градот Хановер, Сојузна Република Германија.
Дозволете , накратко да Ве информирам за работната посета.
Имав ретка можност да ја посетам фирмата Umwelttechnik & ingenieure GmbH ( www.uigmbh.de ) и да се сретанам со Извршниот Директор , Г-динот Манфред Шуберт ( Manfred Schubert ), дипломиран инжинер.
Umwelttechnik & ingenieure GmbH веќе 21 година ја презема одговорноста за животната средина и технологијата. Работните полиња на фирмата се планирање и расчистување на третман на отпад и постројки за отстранување на отпад, постројки за производство на електрична енергија и слично.
Досега има реализирано преку 860 мали и големи проекти, национални и меѓународни проекти.
Како консултантски инженери Umwelttechnik & ingenieure GmbH ја ужива довербата на приватните и јавните клиенти и ги насочува клиентите од идеја до конечното пуштање во работењето на постројките.
Со висококвалификуваните експерти, Umwelttechnik & ingenieure GmbH е способен брзо и ефикасно да ги реализира амбициозните идеи ( во прилог постирав неколку фотографии од современи фабрики за третман на отпад, изградени во градови во Германија, а проектирани од оваа фирма ).
Во еден и пол часовниот разговор со Г-динот Манфред, еден од врвните, не само германски, туку и светски експерти за енергетика разговаравме за проектот на Министерството за животна средина и просторно планирање за регионално управување со отпад во Југозападниот плански регион, запознавајќи го притоа со предложените решенија и технологија за третманот на комуналниот цврст отпад.
Г-динот Манфред истакна дека технологијата на механичко-биолошки третман , која ни се предлага е технологија од пред 30-40 години, која е напуштена и не одговара на денешните стандарди. Посебно ми потенцираше дека во денешно време е недозволиво ниту 1 % метан да оди во воздухот, а не 30 % како што е случајот при механичко-биолошкиот третман на отпадот.
Исто така, изрази неразбирање и за тоа зошто за констатираното количество на отпад од 56.000 т /годишно се предлага толку голема депонија, од околу 20-22 ха.
На мојата забелешка дека се предлага постројката да биде лоцирана во сливно подрачје на Охридското Езеро изненадувачки констатираше дека тоа е недозволиво и би претставувало, како што самиот рече “самоубиство”.
Исто така, разговаравме и за можностите за инвестиции во соларната енергија во општина Дебрца, а за што мојот домаќин пројави особен интерес.
Изразувајќи благодарност што одвои време да ме прими и останувајќи отворени за понатамошна соработка, Г-динот Манфред Шуберт го поканив да ја посети општина Дебрца, а кое со задоволство го прифати.
Macedonian
Albanian
Dutch
English
French
German
Greek
Polish
Serbian
Turkish