Select Page
Градоначалникот Ногачески оствари средба со Г-дин Елвис Али, програмски менаџер на Делегацијата на ЕУ за ИПА2 Програмата

Градоначалникот Ногачески оствари средба со Г-дин Елвис Али, програмски менаџер на Делегацијата на ЕУ за ИПА2 Програмата

Денес градоначалникот Зоран Ногачески оствари средба со Г-дин Елвис Али, програмски менаџер на Делегацијата на ЕУ за ИПА2 Програмата за прекугранична  соработка помеѓу Македонија и Албанија.
Заедно со нашиот партнер,Црвениот крст Охрид програмскиот менаџер го запознавме со реализираните активности од Проектот: „Нови можности за безбеден зимски авантуристички туризам“.
Со овој проект, во општина Дебрца предвидена е реконструкција и пренамена на старата училишна зграда во с. Брежани во планинарски дом, реконструкција на пропустите на патот од село Брежани до Илинска црква, набавка на опрема и специјално теренско возило Duster за спасување во зимски услови, како и обуки за прва помош во зимски услови, за локалното население.
Го посетивме и село Брежани каде по завршувањето на тендерската постапка, која е во тек ќе започнеме со активностите за реконструкција и пренамена на старата училишна зграда во модерен планинарски дом.
И во оваа прилика изразувам голема благодарност до Делегацијата на ЕУ во Македонија, која ја поддржа имплементацијата на овој проект. – изјави градоначалникот Ногачески по средбата.
ИНТЕРЕН ОГЛАС БРОЈ – 1/2021 за унапредување на административен службеник во општина Дебрца

ИНТЕРЕН ОГЛАС БРОЈ – 1/2021 за унапредување на административен службеник во општина Дебрца

Врз основа на член 48 став (4) од Законот за административни службеници („Службен весник на РМ“ бр. 27/14, 199/14, 48/15, 154/15, 5/16, 142/16, 11/18 и Сл.Весник на РСМ бр. 14/20) и Правилникот за формата и содржината на интерниот оглас, начинот на поднесување на пријавата за унапредување, начинот на спроведување на административната селекција и интервјуто, како и начинот на нивното бодирање и максималниот број на бодови од постапката за селекција, во зависност од категоријата на работното место за кое е објавен интерниот оглас („Службен весник на РМ“ бр. 11/15 и 35/18), општина Дебрца објавува:

ИНТЕРЕН ОГЛАС БРОЈ – 1/2021 за унапредување на административен службеник во општина Дебрца

Општина Дебрца објавува интерен оглас за унапредување на 1 (еден) административен службеник за следното работно место:

 

  1. Самостоен референт –Книговодител- УПР0101В03000, Одделение за финансиски прашања ­­­­­­­­­­­­­­­­­­­­ –1 (еден) извршител

 

Општи услови:

  • да е државјанин на Република Северна Македонија
  • активно да го користи македонски јазик
  • да е полнолетен
  • да има општа здравствена способност за работното место и
  • со правосилна судска пресуда да не му е изречена казна забрана на вршење професија, дејност или должност

Посебни услови :

  • ниво на стручни квалификации V А или ниво на квалификации IV според

Македонската рамка на квалификации и стекнати 180 или 240 кредити според ЕЦВЕТ или МКСОО или најмалку вишо или средно образование.

  • -активно познавање на компјутерски програми за канцелариско работење,

работно искуство, и тоа: најмалку три години работно искуство во струката,

-познавање на еден од трите најчесто користени јазици на Европската унија

(англиски, француски, германски),

 Потреби општи работни комепетенции на основно ниво:

учење и развој;

– комуникација;

– остварување резултати;

– работење со други/тимска работа;

– ориентираност кон странки/засегнати страни и

– финансиско управување.

Распоред на работно време:

  • Работни денови:од Понеделник до Петок
  • Работни часови неделно: 40 часа
  • Работно време: од 07:30 до 15:30 часот
  • Паричен износ на основна нето плата: 16 464,00 денари

На интерниот оглас може да се јави административен службеник вработен во општина Дебрца кој ги исполнува општите и посебните услови пропишани за работното место како и:

  • да е оценет со оцена „А“ или „Б“ при оценувањето за 2020 година,
  • да е на работно место на непосредно пониско ниво или на работно место во рамките на истата категорија во која е работното место за кое е објавен интерниот оглас
  • да поминал најмалку две години на тековното работно место и
  • да не му е изречена дисциплинска мерка за 2020 година.

Кон пријавата можат да се приложат и други докази:

  • потврди за успешно реализирани обуки и
  • потврди за успешно реализирано менторство.

Административниот службеник се пријавува со пополнување на пријава објавена во прилог на интерниот оглас.

Пополнетата пријава со потребната документација треба да се достави до архивата на општина Дебрца и до службената електронска адреса: contact@debrca.gov.mk

Рокот за пријавување изнесува 5 (пет) дена од денот на објавување на интерниот оглас на web страната на институцијата.

Условите наведени во огласот кандидатите треба да ги исполнуваат во моментот на пријавувањето.

Пријавените административни службеници ќе бидат известени за времето и местото на одржување на секоја фаза од постапката на веб станата на општина Дебрца и тоа:

Фаза 1 – административна селекција се спроведува најдоцна 15 дена од денот на истекот на рокот за пријавување.

Фаза 2 –интервју се спроведува  во рок од 5 дена од завршување на фаза 1.

НАПОМЕНА:

Административниот службеник кој внел лажни податоци во пријавата се дисквалификува од натамошна постапка.

 

Пријавата за аплицирање може да се спушти со кликање тука.

Градоначалникот Ногачески упати честитка по повод Рамазан Бајрам

Градоначалникот Ногачески упати честитка по повод Рамазан Бајрам

Почитувани наши сограѓани, верници од исламска вероисповед, Ви го честитам големиот верски празник – Рамазан Бајрам.
Нека празникот Ви донесе многу здравје, радост и мир во Вашите домови и во домовите на Вашите најблиски.
Нека владее добрата мисла и добрите човекови дела, како за празникот, така и во текот на целата година.
Ваквите вредности се богатство во нашето општество и нивното зачувување е наша обврска.

Јавен повик за пријавување на штети на земјоделски насади

Јавен повик за пријавување на штети на земјоделски насади

Општина Дебрца ги повикува граѓаните кои имаат материјални штети на овошните насади предизвикани од атмосферската непогода – доцни пролетни мразеви која ја зафати територијата на општината во деновите: 15 и 16 Април 2021 година да ја пријават штетата на своите насади до Комисијата за проценка на штети на општина Дебрца.

 

  1. Барањето за пријавување на штета на земјоделските насади може да се преземе на од веб страната на www.debrca.gov.mk   и пополнето со бараните податоци се доставува до архивата на општина Дебрца.

 

  1. Покрај барањето секој барател треба да достави:
  • копие од лична карта со изјава за користење на личните податоци потпишана од барателот;
  • копие од трансакциска сметка;
  • доказ за основ на користење на земјиштето за насадите ( копие од решение за запишување на земјоделско стопанство во Единствениот регистар на земјоделски стопанства издадено од МЗШВ; копие од имотен лист; копие од договор за закуп ).
  1. Пријавувањето на штетите може да се изврши во рок од 15 дена, односно најдоцна до 26.05.2021 година.

 

За сите дополнителни информации  може да се обратите на тел. 046 286 855.

ОПШТИНА ДЕБРЦА

Комисија за проценка на штети

Бараната документација може да ја спуштите тука.

  1. Пријава
  2. Изјава

 

Велигденска честитка од градоначалникот Ногачески

Велигденска честитка од градоначалникот Ногачески

Почитувани граѓани, православни христијани,

Во името на општина Дебрца и во мое име Ви го честитам најголемиот христијански празник, Воскресението Христово.

Ви посакувам претстојните празнични денови да ги прославите во здравје, мир и радост.

Овие празнични денови да ги посветиме на семејството, на реафирмацијата и јакнењето на семејните вредности и потсетување на трајните вредности на православната вера – љубов, толеранција, простување.

Воедно, Ве повикувам да бидеме стрпливи, дисциплинирани ,да ги почитуваме препораките за борба против коронавирусот и да го заштитиме сопственото здравје и здравјето на нашите најблиски.

Христос Воскресе !

Совет на општина Дебрца, 47-ма седница, донесени одлуки

Совет на општина Дебрца, 47-ма седница, донесени одлуки

Советот на општина Дебрца денес ја одржа 47-ма редовна седница со повеќе точки на дневен ред од својата програма за работа и од интерес на граѓаните.

  • На оваа седница Советот ги усвои Извештаите за работа на Центарот на Југозападниот плански регион во 2020 година. Во текот на 2020 година преку Центарот на Југозападниот плански регион во општина Дебрца беа имплементирани следните проекти:  Реконструкција на патен правец за село Арбиново, доизградба на патен правец село Волино/општина Дебрца-село Мороишта/општина Струга и реконструкција на Дом на култура село Требеништа/прва фаза.
  • Советот донесе одлука за проширување на средствата во Буџетот на општина Дебрца за 2021 година, со која во делот на основното образование се предвидени дополнителни 926.000 денари, обезбедени од донација преку Еразмус програмата.
  • Советот ја усвои Годишната програма за спроведување на општите мерки за заштита на населението од заразни болести на територијата на општина Дебрца за 2021 година, со која се планираат конкретните мерки и активности за заштита од заразни болести.
  • Советот го усвои Анексот на Годишната програма за работа на ООУ Дебрца во учебната 2020/2021 година, со кој работењето на основното училиште се прилагодува кон новонастанатите услови предизвикани од ковид 19 кризата.
  • Советот ги усвои одлуките за давање согласност на кварталниот извештај за работењето на ЈП за комунална дејност Дебрца за периодот 01.10.2020-31.12.2020, завршната сметка за 2020 година, како и на годишните извештаи за спроведување на утврдените тарифи за водоснабдување и одведување на отпадни води.
  • Советот ги усвои измените на персоналниот состав на општинската комисија за проценка на штети од елементарни непогоди. Постапувајќи по барања на загрижени земјоделци, кои претрпеа штети на овошните насади од доцните пролетни мразеви, во наредниот период комисијата ќе објави повик за пријавување на штетите.
  • Советот донесе одлука за за спроведување на постапка за јавно наддавање за издавање под закуп на деловен простор во зградата – дом с.Требеништа, со намена за отворање на откупен пункт за земјоделски производи. Со јавниот повик, кој ќе биде објавен ќе се повикаат сите заинтересирани инвеститори за отворање на откупен пункт за земјоделски производи. 

 

Големина на Фонт
Контраст