Sep 12, 2023
Деновиве започна изградбата на Парк во село Требеништа, со детско игралиште во склоп на спортскиот полигон кој ќе биде во функција за забава на најмладите жители и родители на Требеништа, како и околните села кои гравитираат во тој дел. Изградбата на овој Парк ќе доприенесе за подобрување на социјалната свера на делување во заедницата, го подобрува соцо-економскиот аспек ја подобрува комуналната свера, го подбрува квалитетот на испорачување на услугите кон ѓраѓаните, ја потикнува спортската активност кај најмладите и начините за водење на здрав живот и нај важната активност е запирање на трендот на иселување село-град односно уредување на руралните центри на ниво европските рурални центри.
Со зафатот за уредување на овој простор се предвидува изградба на пешачки патеки, осветлување, изградба на детско игралиште со поставување на детски реквизити играчки: вртелешка, играчка на федер, двојна клацкалка, двојна нишалка, единечна клацкалка, голем тобоган, единечна кула, спирален тобоган, мултифункционална куќичка како и поставување на урбана опрема клупи и корпи за отпадоци, хотикултурно уредување, со што би се уредил моменатлно запуштениот простор кој воедно и го нарушува изгледот и на околните објекти како и спорската сала во непостредна близина, при што по уредувањето би се добил современ изглед на целокупниот спортски простор како и би се подобрила можноста за социjално дружење на децата и родителите.
Средствата за изградба се обезбедени од страна на проектот за ,,Зајакнување на општинските совети”- Фаза 2 кој е финасиран од страна на Програма за развој на Обединетите нации (УНДП)
Со вкупна сума од 2.605,212 мкд од кои 1.953.909,00 мкд средства одобрени од страна на УНДП и 651.303,00 мкд обезбедни од буџет на општина Дебрца .
Sep 11, 2023
Телото за управување со IPARD при Министерство за земјоделство, шумарство и водостопанство, започнува со организирање на промотивна кампања со цел започнување и доближување на можностите за користење на средствата од IPARD програмата со потенцијалните корисници. Со оглед на фактот, дека IPARD Програмата има голем опфат, во сите економски гранки преку трите акредитирани мерки кои ќе бидат презентирани на овој настан се следни:
- Мерка 1 :Инвестиции во основни средства на земјоделските стопанства (инвестиции во изградба на фарми, набавка на трактори и земјоделска механизација, инвестиции во преработка на сопствено земјоделско производство, подигање на нови насади).
- Мерка 3 : Инвестиции во основни средства за преработка и маркетинг на земјоделски производи( изградба на преработувачки капацитети- млекари, кланични капацитети, мелнички капацитети, производство на месни производи, винарии, преработка на овошје и зеленчук – опремување со машини и опрема за истите и сл).
- Мерка 7: Диверзификација на фарми и развој на бизниси во рурални средини ( поддршка на сите производни капацитети, од сите дејности, кои се лоцирани во рурални средини)
На презентацијата ќе присуствуваат претставници на Телото за управување со IPARD и претставници на Агенцијата за Финансиска подршка во земјоделството и руралниот развој.
Настанот во Општина Дебрца ќе се реализира на ден 13.09.2023 година (Среда) со почеток во 11:00 часот во салата за совет на Општина Дебрца.
Sep 10, 2023
- Санација на дефект на водоводната мрежа во Мешеишта
- Санација на дефект на водоводната мрежа во Подмоље
- Косење на крајпатната вегетација во Издеглавје -Слатино -Сл.Чифлик- Оздолени –Сошани
- Санација на дефект на водоводната мрежа во Ново Село
- Чистење на просторот од Манастирот Свети Илија во Песочан
Sep 8, 2023
По повод 8-ми Септември, Денот на независноста на Република Македонија, градоначалникот на општина Дебрца Зоран Ногачески упати честитка до сите граѓани на Република Македонија, во која се вели:
Дозволете ми да Ви го честитам 8-ми септември, Денот на независноста, со желби за мирна и просперитетна иднина на сите граѓани.
На овој голем ден, пред точно 32 години на 8-ми септември 1991 година, граѓаните на Република Македонија на референдум јасно и недвосмислено ја изразија својата определба за независна, самостојна и суверена Република Македонија. Од тогаш Македонија гордо чекори по патот на независноста, самостојноста и сувереноста но надоградуваќи се и со меѓународните интеграции.
Денот на независноста e во колективаната меморија на Македонскиот народ како нераскинлив дел од сите нас за исполнување и продолжување на сонот и желбата на нашите предци за слободна, самостојна, суверена и независна Република Македонија.
Ја користам оваа прилика во мое лично име и името на вработените во општина Дебрца уште еднаш да ги повторам моите искрени желби за мир, стабилност, економски просперитет и општа благосостојба на сите граѓани и воедно Ви посакувам пријатно празнично расположение.
И нека ни е честит и вековит Денот на независноста на Република Македонија !
Sep 7, 2023
Продолжуваме со реализацијата на годишната програма за изградба и реконструкција на улици во општина Дебрца за 2023 година.
Асфалтирани се две улици во село Мешеишта, во должина од 450 метри.
Извршено е крпење на ударните дупки на асфалтните коловози на општинските патишта за село Слатино, село Мраморец, село Црвена Вода, а претходно и на дел од улици во село Волино.
Aug 31, 2023
Пред утрешниот почеток на новата учебна 2023/2024 година денес приреден беше свечен прием за 27 те првачиња од ООУ “Дебрца”.
Посакувајќи им топло добредојде во светот на знаењата, на првачињата градоначалникот Ногачески им додели училишен прибор, кој традиционално го донира фондацијата „Капинков“ на Драган Капинков, бизнисмен од Перт, Австралија, родум од битолското село Цапари.
Пред првачињата и родителите уште еднаш ја потенцира заложбата дека како локална самоуправа, постојано ќе вложуваме во училишната инфраструктура, во наставниот кадар и мотивирани ученици, се со цел учениците во општина Дебрца да бидат меѓу најдобрите.
И оваа година општина Дебрца на сите првачиња ќе им додели еднократна парична помош од по 5.000 денари.
И во оваа прилика изрази благодарност до фондацијата „Капинков“ на Драган Капинков и до почесниот конзул на Република Македонија во Перт, Г дин Зоран Ќосески , по чија иницијатива фондацијата од 2013 година непрекинато пред почетокот на секоја учебна година доделува училишен прибор за првачињата од општина Дебрца.
Среќно првачиња!
Macedonian
Albanian
Dutch
English
French
German
Greek
Polish
Serbian
Turkish